CAGAYAN DE ORO CITY – Gihagit ni Provincial Gov Bambi Emano ang mga opisyal sa OWWA – Alubijid Provincial Hospital nga ampingan ug hatagan sa maayong serbisyo ang frontliners nga masulod sa COVID-19 isolation facility sa Brgy Lunao,Alubijid ning lalawigan.
Gihimo sa gobernador ang mensahe dungan sa pagtugyan sa pasilidad balor sobra 52 milyon pesos kagahapon sa hapon.
Gibutyag ni Emano nga gikan kang Pres Rodrigo Duterte ug Kongreso ang pondo nga gigamit sa pagtukod sa pasilidad sulod sa duha ka bulan.
Una nang nagbalik sa huna-huna sa gobernador ang mga pagsulay nga gisagubang sa katukuran sa gambalay ilabina nga gi-kuwestiyon sa oposisyon sa Sangguniang Panlalawigan ang budget sa lalawigan alang ning tuiga sa korte.
Samtang makatabang nga maluagan ang kapuno sa mga pasilidad alang sa COVID-19 patients ning syudad.
Kini ang reaksyon ni Dr Ian Gonzales,chief sa infectious disease cluster sa DoH-10 sa katukuran sa 52 milyon pesos nga COVID-19 isolation facility sulod sa compound sa OWWA- Alubijid Provincial Hospital sa Misamis Oriental.
Gibutyag ni Gonzales nga nagkinahanglan pa sila sa dugang pasilidad palibot sa rehiyon aron maatiman ang mga pasyente batok sa maong sakit.
