Aprubado na ni Presidente Ferdinand Marcos Jr ang 2026 National Expenditure Program (NEP) nga nagkantidad sa ₱6.793 trilyon.
Si Atty Claire Castro, tigpamaba sa Malakanyang miingon nga gihatagan sa go signal sa presidente ang sugyot atol sa gipahigayong Cabinet meeting sa palasyo.
Ang maong budget mas taas sa 7.4% itande sa sa 2025 nga ₱6.326 trilyon, ug mahisama kini sa 22% projected GDP sa nasud.
Tumong niini nga mapalig-on ang human capital development pinaagi sa pagpamuhunan sa kalidad nga edukasyon, healthcare, ug workforce upskilling.
Lakip sa prayoridad sa maong pundo ang Build Better More Infrastructure Program, digital transformation, ug mga inisyatibo alang sa climate resilience ug social protection.
Gilauman nga isumiter ang NEP sa Kongreso sa Agosto aron ma-review ug maaprobahan isip General Appropriations Act para sa tuig 2026.
