CAGAYAN DE ORO CITY – Mag-atubang sa kasong pagsupak sa Republic Act 9165 (Comprehensive Dangerous Drugs Act of 2002) ang dinakpan sa pagpayuhot sa gidiling droga sa Brgy Western, Wao, Lanao del Sur.
Giila ni PDEA-BARMM regional director Gil Castro ang dinakpan nga si Alimar Mama Matalicop alyas Bai, 19 anyos nga taga-Barangay Kadingilan sa maong lungsod.
Nakompiskar sa hiniusang operasyon sa PDEA-BARMM,Philippine National Police ug 55th Infantry Batallion ang uno-kilo nga gitoohang shabu nga dunay estimated market value nga 6.8 milyones pesos.
Hisayrang ikapila na kining higayon nga milampos ang hiniusang operasyon sa state forces sa Lanao del Sur diin pinakadako nila nga nabawi ang 34 milyones pesos nga shabu gikan sa nag-inusarang suspek sa Marawi City sa miaging mga bulan ning tuig.
