(Update) CAGAYAN DE ORO CITY – Nagpatulo sa mga luha ang pamilyang Bustillo nga unta tabangan sila sa makapatindog-balik sa ilang mga nasunog nga mga pinuy-anan sa Purok 13,Sitio Baloy,Brgy Tablon ning syudad.
Kini human unang gibutyag ni SFO3 Alden Catubig,commander sa BFP-Tablon Sub-Station nga nagsumikad ang kalayo sa pinuy-anan ni Leogarda Bustillo ug paspas mikatag sa mga silingan.
Miingon si Bustillo nga dili lamang unta kutob lang sa dinaliang pagkaon ug mga sapot apan sila mahatagan sa construction materials nga magamit sa pagpabarog sa mga nasunog nila nga mga balay kagahapon sa hapon buntag.
Una nang mikostar sa 200-mil pesos ang structural damage sa pagkasunog sa 29 ka balay diin gipuy-an sa dul-an 50 ka pamilya.
Samtang dili pa igo ang mga nangabot ug nadawatan nga mga tabang alang sa halos 50 ka pamilya nga nag-antos ug nagpasilong sa covered sa Brgy Tablon ning syudad.
Kini ang gipalanog ni Tablon Punong Brgy Billy Auza kabahin sa pagkaugdaw sa dul-an 30 ka balay nga unang nagsugod sa pamilyang Bustillo.
Miingon si Auza nga nakahatag na ang city govt ug ubang pribadong sektor,apan dili pa kini igo kon madugayan pa ang mga apektado sa sunog kay wala pa matukod pagbalik ang ilang mga bag-ong pinuy-anan.
Sa initial CSWD asssesment,sobra 6 milyones pesos na ang personal belongings sa mga nasunugan ang giingong na-damyos.
Hinoon,walay bisan usa ka kinabuhi ang nakalas sa maong sunog.
