CAGAYAN DE ORO CITY-Gitas-an pa sa local govt officials sa 6 milyon pesos nga reward money nga gipatong sa ulo ni Maute-ISIS commander Owayda Benito Marohomsar alyas Abu Dar nga nagdala’g peligro sa katawhan sa Lanao del Sur.
Kini sa tuyo nga matabangan ang militar nga padayong migukod sa grupo ni Abu Dar nga anaa sa bukirang bahin sa Tubaran ug Pagayawan sa maong lugar.
Gibutyag ni Col Romeo Brawner Jr,deputy commander sa Joint Task Force Ranao nga padayong mihuyang na ang puwersa sa maong lider tungod sa tabang sa mga sibilyan.
Sa paglusad sa aerial ug ground assault sa militar,lima sa sakop ni Abu Dar ang namatay dul-ag usa ka semana na ang nakalabay.
