CAGAYAN DE ORO CITY- Gikompirmar sa Department of Agriculture o DA-10 nga misaka na sa P651.9 million ang damyos sa agrikultura sa nasinatiang weak El Niño phenomenon sa rehiyon.
Gibutyag ni DA-10 spokesperson Angie Cabig nga maoy nakadugang sa damyos ang Lanao del Norte nga mitala sa P90 million sa humayan ug P60.8 million sa kamaisan.
Dugtong niini, mitala sa P103.6 million nga damyos ang rice; P495.7 million sa corn; P1.1 million sa cassava ug P61.4 million sa mga utan gikan sa Misamis Oriental ug Bukidnon.
Nanawagan si Cabig sa mga apektadong mag-uuma nga hulatan ang ipang-apod apod nga seedlings tungod kay ila kining ipanghatag panahon sa ting-ulan.
