CAGAYAN DE ORO CITY – Mikantidad sa sobra 600 milyon pesos ang damyos sa personal nga kabtangan nga kabahin sa nasunog diha sa Hillside Village,Brgy Lapasan ning syudad.
Kini subay sa gitug-an sa 65 ka pamilya nga okupante sa 33 ka balay nga gilamoy sa kalayo sa maong lugar sa miaging adlaw.
Gibutyag ni Child Devt Center teacher Maria Salome Agabe nga nakabase sa maong brgy nga dili pa usab kini pinal kay subli gihapon ipaubos sa assessment sa city hall ang maong datos.
Hinoon,walay kinabuhi nga nakalas samtang kasamtangang gipahimutang ang mga biktima sa covered court sa Sitio Sta Cruz Dos sa maong lugar.
Hisayrang unang gibutyag sa mga bombero nga anaa sa 600-mil pesos ang structural damage sa maong sunog.
