CAGAYAN DE ORO CITY – Nabawi sa PDEA-BARMM kuyog ang PNP ug AFP ang halos 7 milyon pesos nga balor sa gitoohang shabu gikan sa duha ka tigpahuyot sa ilegal nga droga sa Brgy Matampay,Marawi City,Lanao del Sur.
Gibutyag ni Lanao del Sur Provincial Police Office Director Col Rex Derilo nga nakig-koordinar kanila ang tropa ni PDEA-BARMM regioanl director Juvenal Azurin kuyog ang AFP aron ilusad ang anti-illegal drug buy bust operation batok kanila ni Ating Pundogara alyas Alex ug Norhatah Bonsalagan alyas Antik nga pulos taga-Lanao del Sur hinungdan sa pagkasikop niini.
Nakompiskar gikan sa mga suspek ang usa ka kilo nga gitoohang shabu,genuine nga 1,000 pesos nga salapi ug laing binandol nga boodle money nga gigamit sa operasyon,sakyanan sa mga suspek,klase-klaseng ID ug daghang celphones.
Kasuhan sa PDEA-BARMM sa pagbaligya sa ilegal nga droga ang mga suspek sa piskalya sa Marawi City sunod semana.
