CAGAYAN DE ORO CITY – Nakompiskar sa PDEA- BARMM ang halos 7 milyon pesos nga kantidad sa gitoohang shabu gikan sa suspected bigtime dealer sa lungsod sa Malabang,Lanao del Sur.
Giila ni PDEA-BARMM regional director Juvenal Azurin ang suspek nga si Romie Diamillah Hadji Alawi,hingkod ang panuigon ug nagpuyo sa Bry Matalin sa moang lungsod.
Nabawi gikan sa suspek ang usa ka kilo sa shabu nga bana-banang anaa sa 6.8 milyon pesos ang kantidad niini.
Nakompiskar usab gikan kang Alawi ang iyang celphone,pick truck,armas ug ubang mga ebdensiya.
Kauban sa PDEA pag-aresto sa suspek ang tropa sa militar ug kapolisan sa maong lungsod kagahapon sa buntag.
