CAGAYAN DE ORO CITY – Nasikop sa Philippine Drug Enforcement Group o PDEG-Mindanao ang suspected drug courier sa gikaintapang shabu supplier nga naglihok sa lungsod sa Maguing,Lanao del Sur.
Kini human madakpi sa gilusad nga drug buy bust operation ang suspek nga si Mael Tumao, 18 anyos,ulitawo nga taga-Balo-i,Lanao del Norte.
Namahayag si Police Capt Jojo Balance,team captain sa PDEG-Mindanao nga nasikop si Tumao kay siya ang gipadala sa gatos gramos nga shabu sa nakasibat nga bigtime target.
Namahayag si Balance nga idlas ang maong target kay sa matag-transaction,mogamit kini’ng lahi nga mga personalidad aron dili masikop.
Gawas sa gatos gramos nga shabu nga bana-banang 700-mil pesos,nabawi usab gikan kang Tumao ang gigamit nga drug paraphernalia sa transaction sa NHA,Brgy Kauswagan ning syudad sa miaging adlaw.
