Back-to-back nga malapusong nasakmit sa pwersa sa Police Regional Office 10 ang gibanabanang P720,000 nga balor sa gidudahang smuggled nga mga sigarilyo ug nadakpan ang napulo ka indibidwal atol sa ilang operasyon sa Linamon, Lanao del Norte kagahapong adlawa, Hulyo 23 ug niadtong Hulyo 22, 2026.
Sumala sa taho sa PRO 10 nga pinangulohan ni Regional Director PBGEN Christopher N Abrahano, gisusi sa mga awtoridad ang usa ka Toyota Hi-Ace ug usa ka Isuzu Utility vehicle diin nakuhaan kini og gatusang reams sa Greenhill ug Commando Menthol nga walay gipakita nga balidong dokumento.
Samtang gihikay na karon sa mga awtoridad ang tukmang kaso batok sa mga dinakpan tungod sa paglapas sa Republic Act No. 10863 o ang Customs Modernization and Tariff Act.
Ang mga nakumpiskang sakyanan ug mga produkto gikatakdang i-turnover sa Bureau of Customs alang sa saktong disposisyon.
