CAGAYAN DE ORO CITY – Walay lauman nga usbaw nga suhulan ang mga pribadong mamumuo, ning tuiga.
Gibutyag ni Atty Procolo Sarmen, regional vice president sa ALU-TUCP Northern Mindanao nga gi-archive o gihimo lang basehan sa sunod nga pagdungog sa regional tripartite and productivity wage board ang ilang petisyon nga P780 matag adlaw nga suhulan sa tibook Mindanao.
Wala na makasupak ang kampo ni Sarmen tungod kay gamay na lang sab ang panahon nga ilang gi-apas ug matapos na ang tuig.
Hinoon, sa pagbukas sa tuig sa 2020, paningkamutan sa ALU-TUCP nga mapasar na ang ilang gisugyot nga usbaw sa suhulan sa Northern Mindanao, aron mahatagan sa desente nga kinabuhi ang pamilya sa mga trabahante nga anaa sa pribadong sektor sa katilingban.
