CAGAYAN DE ORO CITY- Mosugod na’g pangulekta sa pletehan nga 7 pesos kada-regular nga pasahero ang mga driver sa motorela sa syudad ning adlawa.
Gibutyag ni City administrator Teddy Sabugaa nga mahimo kini sa mga driver sa oras nga magbaton na sila sa ilang orihinal nga taripa sa bag-ong pletehan nga sugdan pagpang-apud apod ning adlawa.
Giklaro ni Sabugaa nga kadto lamang magbaton sa mga orihinal nga taripa ang makahimo’g singil sa pletehan hinungdan giawhag niini ang mga driver nga makig-koordinar sa city hall sugod ning adlawa.
Gipasalig usab ni Sabugaa nga subay sa mando ni City Mayor Oscar Moreno,mohimo sila’g pagpangdakop sa kolorom nga mga motorela aron wad-on ang mga ilegal sa mga kadalanan sa syudad.
