CAGAYAN DE ORO CITY – Nalimas sa wala pa ilhing mga kawatan ang gibana-bana nga P500,000 cash sulod sa Palawan Pawnshop nga nahimutang sa Brgy. Carmen ning syudad, kagabie.
Gibutyag ni Major Ian Borinaga, hepe sa Carmen Police Station nga mitug-an ang manager sa pawnshop nga posibleng organisado ug sweto ang mga milungkab sa ilang vault system ug nasayud kung asa gitago ang mga yabe sa kaha.
Una niini, gibutyag sa mga imbestigador sa COCPO nga muabot sa P8.5-Milyon ang kinatibuk-ang kantidad sa salapi ug alahas ang nalimas sa mga kawatan kagabie.
Lakip sa gikawat sa mga suspek ang CCTV camera sa patigayon.
