CAGAYAN DE ORO CITY – Gipasalig sa City Social Welfare and Development o CSWD nga mahataga’g pinansyal nga assistance ang 21 ka pamilya o 71 ka indibidwal nga nasunogan diha sa Western Kolambog, Brgy Lapasan ning syudad.
Matud ni CSWD focal person Pata Magto nga ang financial assistance nga madawatan sa mga biktima sa trahedya mag-depende kung pila ang damyos sa ilang balay nga nasunog.
Una nang miggawas ang report nga anaa sa 13 ka panimalay ang naugdaw sa sunog ug miabot sa P8, 560,000 ang kinatibuk-ang damyos.
Kahinumduman nga usa ka 16-anyos nga special child ang namatay sa sunog human maggikan ang kalayo sa panimalay sa pamilyang Racero.
