CAGAYAN DE ORO CITY – Apektado ang 63 ka pamilya nga okupante sa 46 ka panimalay nga kabahin sa naugdaw sa dakong sunog sa Gumamela Extension,Sitio Ngitngit,Brgy Carmen ning syudad.
Kini subay sa kasamtangang ebalwasyon sa City Social Welfare Devt o CSWD nga mitutok sa gatusang residente nga nawad-an sa ilang panimalay sa maong lugar.
Gibutyag ni CSWD post disaster response section head Eugene Magto nga hayan mosaka pa kini ilabina nga wala pa nila mahuman ang pagkuha sa kumpletong detalye gikan sa mga nasunugan.
Anaa usab sa 8.2 milyon pesos ang inisyal nga gisulti sa mga biktima nga kantidad sa ilang katbangan nga damyos dihang nagsumikad ang kalayo sa panimalay ni Edith Ubatay sa miaging gabii.
