CAGAYAN DE ORO CITY – Kasuhan sa PDEA-Lanao del Sur sa pagsupak sa Dangerous Drugs Act of 2002 ang utok sa lapad nga plantasyon sa marijuana nga naibot sa hiniusang operasyon sa tropa sa gobierno sa bukirang bahin sa Maguing,Lanao del Sur.
Kini human natumbok sa mga otoridad ang pipila ka personalidad nga utok sa balor 8 milyones pesos nga tinanom nga marijuana sa maong lugar.
Gibutyag ni agent Asnawi Salic nga gilayong gipangsunog nila ang mga inibot nga 10-mil ka punuan sa mga marijuana aron dili ma magamit pa sa mga sindikato sa lugar.
Una nang naghiusa ang militar,kapolisan ug PDEA -BARMM aron pagbungkag sa maong plantasyon sa miaging adlaw.
