CAGAYAN DE ORO CITY – Nakompiskar sa Bureau of Customs ang laing hugna sa mga ismagol nga sigarilyo nga unang gipatoo nga ‘used furniture’ samtang midunggo ang gisakyang barko diha sa Mindanao Container Terminal sa Tagoloan,Misamis Oriental.
Gibutyag ni BoC District Collector Atty Elvie Cruz nga ang maong mga sigarilyo ang gikan sa China nga gipanag-iya sa UHE Trading.
Miingon si Cruz nga nagsumikad ang pagka-embargo sa shipment nunot sa impormasyon nga gipaabot sa ilang nasudnong buhatan kabahin sa kontrabando nga taud-taod nang nakadunggo sa MCT.
Gibana-bana nga anaa sa balor 8 milyon pesos ang maong mga sigarilyong nabawi sa mga otoridad.
