CAGAYAN DE ORO CITY – Andam bayran sa administrasyon ni City Mayor Rolando ‘Klarex’ Uy pinaagi sa supplemental budget ang sobra 8 milyones pesos nga obligasyon sa city govt ngadto sa Cagayan de Oro Water District o COWD.
Kini maoy tubag sa tigpamaba ni Uy nga si Janboy Actub kabahin sa maong isyu.
Miingon si Uy nga posibleng napasagdan kini nga arrears nga nagpatung-patong nga wala nahatagan sa igong pagtagad sa miaging katuigan hinungdan nga nagsaka sa 8 milyones pesos ang kasamtangang bayrunon.
Siya miingon nga gusto nila nga mahuptan ang tataw nga dokumento niini aron basehan sa sunod nga lakang sa kagamhanan.
Hisayrang subay sa COWD record, nagsugod ang mga tuig nga wala mabayri ang maong obligasyon sa 1997,2000,2001 ug 2019.
Nasundan pa kini sa sunod-sunod nga katuigan sa 2020 hangtod 2024.
