CAGAYAN DE ORO CITY-Singlon na sa motorela drivers sa pletehan nga otso pesos ang matag-regular nga pasahero ning syudad.
Kini human gibasehan sa motorela drivers ang taripa nga nagtugot kanila pagpaningil kon balor 55 ngadto 65 pesos kada-litro na ang napalit nila nga gasolina o diesel sa gasoline stations sa dakbayan.
Miingon si Ringo Lago,secretary general sa grupong Starex-Piston Northern Mindanao nga gihimo lamang nila ang koleksyon subay usab
sa gitugot sa ordinansa sa syudad.
Namugos si Lago nga dili ilegal ang otso pesos nga pletehan apan abli usab sila kon mohangyo kanila ang mga pasahero nga siyete lamang una ang e-plete kon napikihan sa ilang mga panudlanan.
Samtnang gipasidan-an sa komitiba sa public ulitlities sa konseho ang motorela drivers nga dili una diretso maningil sa pletehan nga otso pesos sa ilang mga pasahero ning syudad.
Kini bisan nga may ordinansa nagtugot kanila nga mosingil subay sa pagsaka sa presyo sa produktong petrolyo nga moabot na sa 55 pesos kada-litro.
Miingon si Kagawad Bong Lao Jr,chairman sa komitiba angay hulaton una sa motorela association ang pagtugot ni City Mayor Oscar Moreno ayha sila mohimo’g koleksyon sa bag-ong pletehan sa mga pasahero.
