CAGAYAN DE ORO CITY -Gitakdang gun-ubon na usab ang balor 8 milyon pesos nga sigarilyo nga nakompiskar sa Bureau of Customs gikan sa nagpatoong consignee nga unang midunggo sa Mindanao Container Terminal sa Tagoloan,Misamis Oriental.
Kini human pakyas maka-presentar sa legal nga papeles ang tag-iya sa maong mga sigarilyo nga giingong gikan sa China.
Miingon si BoC Cagayan de Oro District spokesperson Angelo Andrade nga iagi una sa pagdungog ang maong pagka-kompiskar sa kontrabando ayha hukman sa ilang legal dept ang pagsunog o pagdugmok niini.
Kasuhan usab nila sa pagsupak sa balaod sa customs ang utok sa maong kontrando nga unang midunggo sa pantalan sa miaging semana
