CAGAYAN DE ORO CITY – Natugyan na ug mahimong nang magamit ang balor sobra 800 milyones pesos nga bag-ong jail facility ngadto sa lungsod sa Initao,Misamis Oriental.
Kini human gipahigayon ang simple nga pagtugyan gikan sa kontraktor,padulong sa provincial govt ngadto sa mga opisyal sa lungsod.
Miingon si Misamis Oriental 2nd District Cong. Bambi Emano kinsa nangusog kaniadto sa maong proyekto nga mahimo nang hamugaway ang kahimtang sa mga piniriso nga dugay nang nag-antos sa kaikag ug kapiot sa karaang Misamis Oriental Provincial Jail nga nahimutang ning syudad.
Samtang gilayong sugdan ang pag-develop aron mahimong ecomonic source of revenue sa kapitolyo probinsyal ang luna nga gibarugan sa karaan nga pasilidad diha sa Luna-Corrales Streets ning syudad.
Miingon si Provincial Gov. Peter Unabia nga dugay nang nahan-ay ang mga plano sa maong lugar nga panguluhan sa kompanyang A Brown.
Siya miingon nga pinaagi sa maong kalambuan, moresulta usab kini sa paspas nga pagpakunhod pa sa ihap sa mga pamilyang kabus tungod sa ihatag unya niini nga kinitaan sa panudlanan sa kapitolyo.
