CAGAYAN DE ORO CITY – Nag-atubang na sa kasong pagsupak sa Republic Act 9165 ang duha ka suspek nga giakusahan nalambigit sa illegal nga droga sa Tibanga Highway,Brgy San Miguel,Iligan City.
Kini human unang nadakpan sa mga operatiba sa Philippine Drug Enforcement Agency o PDEA sila alyas Bappa nga naangol ug Raisah Amer Radiamoda,59 anyos nga taga-Iligan City sa gihimong buy bust operation sa lugar.
Gibutyag ni PDEA 10 regional director Atty Benjamin Gaspi nga subay sa taho sa ilang mga operatiba nga nakuha gikan sa mga dinakpan ang mil-400 gramos sa gitoohang shabu diin nagkostar sa 9.5 milyones pesos.
Nakompiskar usab ang ubang paraphernalia ug naglakip sa gigamit nga sakyanan nga kabahin transaksyon.
Kini ang rason nga nasang-atan sa kasong pagsupak sa Comprehensive Dangerous Drugs Act of 2002.
