CAGAYAN DE ORO CITY-Nabawi sa PDEA-10 ang dul-ag dos kilos nga shabu nga balor sa kapi’g nuebe milyon pesos sa anti-illegal drugs operation sa rehiyon 10.
Kini human unang nasikop sa PDEA ug ubang law enforcement units ang 440 ka suspected drug pushers ug users.
Gibutyag ni PDEA agent Ben Calibre nga ang maong ihap sa mga nasikop ang nagsugod sa Enero hangtod Agosto ning tuiga.
Nalusad sa mga otoridad ang 228 ka operasyon nunot sa anti-illegal drugs campaign sa gobierno sa Northern Mindanao.
Samtang sikupon sa PDEA-10 kadtong mga tawo nga mohupot,mobaligya ug mogamit sa gidiling droga nga marijuana.
Kini bisan nga gihingusgan sa pipila ka kongresista nga mahimong medicinal drug alang sa mga pasyente nga may sakit nga kaya tambalan sa marijuana.
Gibutyag ni Calibre nga hangtod nga wala pa’y bag-ong balaod nga mag-usab sa Dangerous Drugs Act of 2002 o akta republika 9165,dili nila palabyon ang mga tawo nga nalambigit sa pagbaligya ug mogamit sa drogang marijuana.
