CAGAYAN DE ORO CITY – Gisugyot sa mga kongresista sa kamarabaha kang Presidente Bongbong Marcos nga dili hilabtan ang mga pondo sa government owned controlled corporations (GOCCs) nga wala magasto.
Pasidaan kini ni Cagayan de Oro 2nd District Cong. Rufus Rodriguez nunot sa kagustuhan ni Finance Secretary Ralph Recto nga ipatugyan ang halos 90 bilyones pesos nga ‘unused funds’ sa Philhealth kay gamiton sa pagpalig-on sa ekonomiya sa nasud.
Namahayag si Rodriguez nga dili kini mahimo kay iya sa maong ahensiya ang pondo nga gikan sa mga miembro niini palibot sa nasud.
Siya miingon nga daghan pa’g mga isyu nga giatubang Philhealth sama sa mga bayrunon sa accredited hospitals rason nga angay mangita’g laing kakuhaa’g mga pondo ang Department of Finance.
Sa pikas bahin, gipasalig usab ni Philhealth 10 spokesperson Merlyn Ybañez nga dili maapektuhan ang mga serbisyo niini sa ilang mga miembro bisan kon ipatugyan kanila ang maong pondo sa buhatan ni Recto.
Gani,naglaraw pa ang ilang buhatan nga lapdan ang mga programa nga gitanyag niini ngadto Philhealth members.
