Gibasol ni Konsehal Maximo Jon-Jon Rodriguez III ang depektoso nga mga traffic lights ug CCTV camera nga gimuntar sa managlahing lokasyon sa syudad.
Alang kang Rodriguez walay pulos ang pagmuntar sa maong himan kay non-operational, ug dili kini makatabang sa pagsulbad sa trapiko ug mga dagkung kremin sa kadalanan.
Una niini, gikastigo sa konsehal ang mga na-assign sa pagdumala sa mga CCTV ug traffic lights sa ilang regular nga sesyon sa miaging Lines.
Subay sa iyang assessment, 60 ka traffic lights ang kasamtangang anaa sa syudad apan katunga niini, guba o dili na magamit sa tibuok syudad.
Gikondenar usab ni Rodriguez ang non-functional nga mga pampublikong CCTVs, kay inay kini maoy gamiton sa kapulisan, didto na mangayo sa pribadong establishemento ang mga imbestigador kay nagsilbi lang kining burloloy sa poste.
Tungod sa nakuhang data ni Rodriguez, miapelar kini sa konseho nga imbestigaran ang P90 milyon nga budget nga gi-award sa usa ka contractor para sa mga traffic lights niadtong 2013 aron masuta kung nganong hangtod karon wala pa gihapon kabag-ohan ang sistema sa trapiko sa syudad.
