CAGAYAN DE ORO CITY – Miani sa pagsuporta gikan sa DILG-10 ang dugay nang plano sa provincial govt nga ibalhin ug magtukod sa bag-ong bilangguan alang sa persons deprived liberty o DPL sa Misamis Oriental.
Kini bisan nakadawat sa pagduda ug pagsaway ang kontrobersyal nga 1.5 bilyon pesos nga bank loan ni Gov Bambi Emano diin 900 milyon niini ang gamiton sa pagtukod sa state of the art nga prisohan diha sa lungsod sa Initao ning lalawigan.
Miingon si DILG 10 asst regional director Yvette Sunga nga mihaom kini nga tinguha ilabina nga sobra kapuno na sa DPL’s ang provincial jail nga nahimutang sa sentro nga bahin sa syudad.
Una nang gi-kuwestiyon sa mga kontra sa politika ang motibo sa pagpangutang ilabina nga anaa sa katapusang termino isip gobenador si Emano sa lalawigan.
