CAGAYAN DE ORO CITY-Nabawi sa grupo ni Ozamiz City Police Office commander C/Insp Jovie Espenido ang 96 milyon pesos nga suspected shabu gikan sa mga kabanay sa pamilyang Parojinog sa Ozamiz City.
Kini human subli gi-aktibo sa PNP ang ilang anti-illegal drugs operation diin nasikop ang driver ni
detained City Vice Mayor Nova Princess Parojinog nga si Butch Merino alyas Butchoy diin nakuhaa’g 32
milyon pesos nga shabu nga gisulod sa pack bag.
Miingon si Espenido nga nakompiskar usab nila ang laing 64 milyon pesos nga gitoohang shabu atol sa follow up operation nga nakuha gikan sa mga kabanay ni late Misamis Occidental Board Member Octavio Parojinog ug late City Mayor Reynaldo ‘Aldong’ Parojinog Sr.
Nasuta nga ang maong shabu ang gitakda unta dad-on sa Lanao area subay sa giingong mando ni Vice
Mayor Parojinog.Sa pagkutlo ning balita,wala pa’y giluwatang pahayag ang mga abogado sa bise-mayor
kabahin sa pasangil ni Espenido.
