CAGAYAN DE ORO CITY – Giuyunan ni Presidential Anti-Corruption Commission o PACC Commissioner Greco Belgica nga kulang o ‘bitin’ ang rekomendasyon sa task force nga giduso kang Pres Rodrigo Duterte kabahin sa imbestigasyon sa Philhealth corruption issue.
Kini human nagkauyon ang tanang senador ug gikuwestiyon ang task force kon nganong walo ka opisyales lamang sa ahensiya ang pakasuhan sa kriminal ug administratibo.
Miingon si Belgica nga wala pa mahuman ang ilang imbestigasyon sa ubang personalidad nga nakahimo’g anomaliya sa Philhealth.
Una nang wala maapil si DoH Sec Francisco Duque apan si resigned Philhealth Pres Ricardo Morales ug laing pito lamang ang pakasuhan.
