Gipakuratan sa Indiana Pacers ang New York Knicks sa ilang dula sa overtime sa Madison Square Garden sa New York City.
Nunot kini sa pagpanimalos sa Pacers nga malabwan ang iskor sa Knicks ug gitabla sa katapusan nga minuto sa 4th quarter nga nagresulta sa overtime.
Nahimong best scorer of the game si Pascal Siakam human niya gipabusikad ang iyang 30 puntos aron ibandera ang ilang kadaugan sa final score 137-134.
Walo ka players ang midalit sa double figures aron mainit ang dula sa Pacers sa surprisang kadaogan batok Knicks.
Si Andrew Nembhard mibubo sa 24 puntos ug 10 ka assist samtang si Quenton Jackson nakapasulod sa iyang 19 puntos lakip na ang duha ka free throws sa nahibilin nga 3.9 segundos sa overtime nga maoy nagsilyo sa tam-is nga kadaugan Pacers.
Hisayran nga nasayang lang ang 40 puntos ni Jalen Brunson maoy nangulo sa Knicks kuyog ang iyang lima ka rebounds ug walo ka assists. Daghan fans ang dismayado sa dula kay gipili ang Knicks sa ilang kaugalingong baluwarte
