CAGAYAN DE ORO CITY-Nasubo si PNP regional director C/Supt Timoteo Pacleb sa pagbiya sa 132 ka pulis nga unang naghatag sa seguridad sa kadalanan sa Northern Mindanao.
Kini human gipapauli na ang PNP Region 3 ug PNP Region 4-A contigents pabalik sa Luzon.
Miingon si Pacleb nga dako’g natabang ang maong mga pulis ilabina pagsanta sa Maute-ISIS group nga mohasi ning syudad ug ubang bahin sa rehiyon.
Sa wala pa ang send-off ceremony,gihatagan una sa pagsaludo ug boddle fight ang maong mga pulis sa Camp Alagar sa Brgy Lapasan ning syudad kagahapon sa hapon.
Hisayrang gitakdang hatagan sa pasidungog ang maong mga pulis sa ilang pag-uli sa tagsa-tagsa nila ka PNP units sa Luzon area.
