Gitin-aw ni People’s Champ Manny Pacquiao nga ang iyang pag-atubang pag-usab kang Floyd Mayweather Jr dili usa ka exhibition fight.
Matod pa sa kanhing eight-division boxing champion, bisan pa nga walay titulo nga nakataya, tinuod ug seryoso ang maong away.
Gipasabot ni Pacquiao nga kini maapil sa opisyal nilang boxing record.
Hisayran nga katapusan silang nagbangga niadto pang tuig-2015 diin napildi ang Pinoy champion, ug karon gitakdang mahitabo ang away nila sa Setyembre 19 ngadto sa Las Vegas.
