CAGAYAN DE ORO CITY – Kahako’g sa gahom ang giingong dala sa alyansang Padayon Pilipino-CDP ug Bagong Cagayan sa laraw pag-apil sa 2022 elections sa syudad.
Ingon ani ang paghulagway ni City Mayor Oscar Moreno sa kandidatura nila mayoralty candidate Phividec administrator Jose Gabriel ‘Pompee’ La Viña,Kag Lordan Suan ug 2nd District Cong Rufus Rodriguez batok sa lineup ni 1st District Rep Rolando ‘Klarex’ Uy.
Miingon si Moreno kinsa mopapili pagka-gobernador sa Misamis Oriental nga pagsabwag kasamok lang ang dala sa ilang mga kaatbang dinhi sa syudad.
Samtang makaabot ang makuha nga nasudnong pondo aron ipagamit kang La Viña alang sa katawhang apektado sa pandemya sa COVID-19 sa syudad.K
ini ang gipaniguro sa kampo ni Deputy House Speaker ug 2nd District Rep Rufus Rodriguez kon mabuligan sila sa katawhan sa sunod tuig nga piliay.
Kini ang hinungdan nga gisibog ni Rufus ang iyang pagpapili pagka-mayor apan gipalabi kang La Viña.
Miingon ang kongresista nga tuyo sa ilang alyansa nga dili na makabalik ang mga sakop ni Moreno nga alang kaniya nalambigit sa pagwaldas sa pondo sa dakbayan.
Una usab niini,gibutyag ni La Viña nga nagsilbing ‘political dream team’ ang ilang alyado nga anaa napulo ka pilo ang kalig-on nga makig-atbang sa kampo ni Klarex.
Dumduman nga gikonsiderar ni Misamis Oriental Gov Bambi Emano nga ang ilang alyansa maoy moluwas sa kasamtangang kahimtang sa katawhan sa dakbayan.
Kini tungod kay sukwahi ang ilang partidong alyansa itandi sa gipasiatab sa mga kaatbang nila sa politika.
