CAGAYAN DE ORO CITY – Ilugwa ra sa dili madugay sa partidong Padayon Pilipino ang ilang pinal nga listahan sa mga kandidato syudad alang sa 2025 elections.
Kini samtang nagkaduol ang tingduso sa certificate of candidacy sa mga gustong modagan sa piliay sunod tuig.
Subay sa partido nga kamulo pa nila nga gi-kumpleto ang linyada ilabina pag-abot sa posisyon pagka-mayor ug mga pagka-konsehal.
Una nang namahayag sa interbyu sa Bombo Radyo si Misamis Oriental 2nd District Cong. Bambi Emano nga maoy gitahasan nila pagporma sa line-up sa mga kandidato sa syudad si Cagayan de Oro 1st District Cong. Lordan Suan.
Dumduman nga pulos mipadayag sa ilang tinguha pagdagan pagka-mayor si kanhi City Mayor Oscar Moreno ug former Phividec administrator Pompee La Viña nga hayan usa kanila maoy kuhaon sa partido aron kontrahon si incumbent City Mayor Rolando ‘Klarex’ Uy.
Hisayrang milusad sa Padayon Pilipino sa ilang ikatulo nga regional convention ning adlawa.
