CAGAYAN DE ORO CITY-Gipalig-on pa sa partido Padayon Pilipino ang ilang puwersa sa nagkaduol nga 2019 midterm elections dinhi sa rehiyon.
Kini human hingpit nang magka-alyado ang maong partido sa Hugpong ng Pagbabago ni Davao City Mayor Sara ‘Inday’ Duterte.
Miingon si Padayon Pilipino party president Kag Atty Nadya Emano-Elipe nga tuyo niini nga mahingusgan ang suporta sa mga programa ni Pres Rodrigo Duterte.
Natigayon ang pagpirmahay sa duha ka regional political parties sa kauluhan kagahapong adlawa.
Samtang wala matarog ang partido PDP-Laban sa pag-usa sa Padayon Pilipino ug Hugpong ng Pagbabago regional parties sugod kagahapong adlawa.
Miingon si PDP-Laban Cagayan de Oro Council president Kap Marlo Tabac nga mahimong suportado nila ang mga kandidato sa Hugpong ng Pagbabago apan dili ang mga local nga kandidato sa midterm elections.
Nagtoo si Tabac nga hinay ang epekto sa maong alyansa itandi sa PDP-Laban nga national party diin chairman si Pres Rodrigo Duterte.
