Nagpadayon ang search and rescue operation alang sa 31 anyos nga si Alkharj Gomez Zamayla human kini gireport nga nawala samtang nag-hiking sa Mt. Kalatungan sa Pangantucan, Bukidnon.
Base sa taho sa Police Regional Office 10, katapusang nakit-an si Zamayla duol sa sapa sa may 1st Camp niadtong Hunyo 12, 2026.
Lakip sa mga nagpahigayon sa ground search ang Pangantucan Rescue Team, mga boluntaryong tour guide, ug ang Provincial Environment and Natural Resources Office.
Aron masiguro ang seguridad sa operasyon, gipakatap usab sa maong dapit ang mga sakop sa Pangantucan Municipal Police Station ug ang 1004th Company sa Regional Mobile Force Battalion 10.
Samtang nagpadayon ang pagsuhid sa mga trail route, hugot ang koordinasyon sa mga awtoridad uban sa lokal nga kagamhanan ug uban pang mga ahensya aron mapadali ang pagpangita sa biktima.
