Gipadayag ni Senador Robin Padilla nga andam siya nga modagan isip bise presidente ubos ni Bise Presidente Sara Duterte sa 2028, kung personal siyang hangyoon ni kanhi Presidente Rodrigo Duterte.
Gibutyag sa action star – turned – politician nga si Duterte ra ang makamando sa iyang desisyon tungod kay dili siya gusto sa pulitika, apan mosunod siya kung kini ang kabubut-on sa kanhi presidente.
Gitin-aw ni Padilla nga andam siya sa bisan unsang posisyon, ug gihulagway ang papel sa bise presidente nga nakapokus sa mga adbokasiya.
Una niini, mi-angkon si Padilla nga personal lamang niya nga opinyon ang napakatag nga tandem ni Inday Sara ug Imee Marcos ug dili kini opisyal nga posisyon sa iyang partido, ang Partido Demokratiko Pilipino (PDP).
Mahinumduman nga sayo nga gideklarar ni VP Sara ang iyang presidential bid sa 2028, taliwala sa impeachment complaint nga iyang gi-atubang sa kamarabaha.
Apan, alang kang Padilla, prangka nga “NO” ang iyang tubag kung mu-abot ang impeachment case ni VP Sara sa Senado
