CAGAYAN DE ORO CITY, Philippines – Gusto ni Senador Robinhood Padilla nga amiyendahan ang balaod sa Sexual Harassment sa Pilipinas. Nunot kini sa gilusad nga committee hearing sa public information and mass media kalabot sa gipasak nga sexual harassment case sa pamilya Muhlach sa duha ka Independent Contractors sa GMA Network.
Namugos si Padilla nga unta hatagan sa malaglahing gimbug-aton sa silot ang employer nga momolestiya sa iyang empleyado, batok sa kaso sa usa ka empleyado nga maoy miharas o nanintal sa iyang employer.
Nahuman ang sesyon pinaagi sa pagtin-aw ni Department of Labor and Employment Undersecretary Benjo Santos Benavidez nga mapasaka gihapon ang kasong sexual harassment ug susamang silot ang mapahamtang bisan pa man gibuhat kini employer sa iyang empleyado o vice-versa.
