CAGAYAN DE ORO CITY -Nagtoo ang sakop sa Catholic Bishops Conference of the Philippines o CBCP- Mindanao Chapter nga buhi pa ang gidagit nga si Fr Teresito Suganob nga lumad taga- North Cotabato.
Mismo si Msgr Rey Monsanto,konsultor sa arkidiyosis ning syudad ang misugilon sa Bombo Radyo nga dako ang puruhan nga magamit sa mga ISIS-Maute si Fr. Suganob aron sila maka-ikyas sa Marawi City.
Nagtoo ang kaparian sa Mindanao nga nagsilbi ulahing alas nga terorista ang paggamit sa pari aron sila dili hilabtan sa kasundaluan.
Samtang gisalikyay ug gitawag nga sa mga demonyo sa grupong Oro Muslim Alliance for Peace and Economic Development ang mga teroristang ISIS-Maute nga nanghasi sa Marawi City,Lanao del Sur.
Kini ang paghulagway ni Hadji Macmoud Manalisig kinsa presidente usab sa Oro Muslim Bombo Diehard Association tungod sa sinalbahis nga pagpamatay sa mga terorista sa inosenteng mga sibilyang Kristiyano ug Muslim-Maranaos.
Namugos si Manalisig nga dili pagtoong Islam ang gihingusgan sa mga terorista apan gahom sa kangitngit.
