Gikumpirma sa Philippine Air Force (PAF) ang pagkamatay sa upat ka mga piloto human sa nahitabong usa ka “aviation accident” o panagbangga sa duha ka aircraft sa PAF didto sa Fernando Air Base sa Lipa, Batangas niadtong adlaw sa Biyernes.
Nagpadangat na sa ilang pahasubo ang Philippine Air Force ngadto sa pamilya sa mga namatay nga mga piloto tungod sa maong insidente samtang gipahigayon ang training flight mga alas 3:51 sa kahapunon.
“May our fallen aviators’ courage, dedication, and service be remembered, and may their souls rest in eternal peace,” mao kini ang gipagawas nga pahayag sa PAF.
Sumala sa PAF, susamang nahagsa ang duha ka aircraft sa base perimeter ug wala nay laing casualties nga natala tungod sa maong insidente.
Sa kasamtangan, nagpadayon pa ang imbestigasyon aron matino ang tinubdan sa maong insidente ug temporaryo unang gidili ang pagpalupad sa tanang SF-260 aircraft isip safety precautionary measure.
