CAGAYAN DE ORO CITY-Kasuhan sa kapolisan ang miembro sa Philippine Air Force o PAF nga giingong mipatay sa iyang opisyal sa Tactical Operations Group-10 sa kanhi Lumbia airport ning syudad.
Kini human unang dead on the spot si Staff Sargeant Renante Blanco,39 anyos nga taga-Angeles ity,Pampanga.
Gibutyag ni Lumbia Police Station deputy commander Sr/Insp Gumer Ladera nga maoy kasuhan nila si Airman 2nd
Class Reymart Noquera,26 anyos nga taga-Fairview,Quezon City.
Miingon si Ladera nga hayan moabot ang kapikas ni Blanco sa syudad aron makuhaan sa affidavit sa iduso nga reklamo batok sa suspek.
Unang nag- inom sulod sa TOG compound si Blanco ug Noquera dihang kalit nag-resulta sa pagpamusil gamit ang M-16
rifle sa Sabado sa gabii.
Samtang dili palabyon sa liderato sa Armed Forces of the Philippines o AFP ang dugu-ong hitabo sulod sa bisinidad sa Tactical Operations Group o TOG-10 diha sa kanhi aiport sa Brgy Lumbia sa syudad.
Kini human giingong gipatay ni Noquera si Blanco gamit ang M-16 rifle dihang sila nagkalalis samtang nag-inom.
Gibutyag ni 4th ID spokepserson Capt Joe Patrick Martinez nga ipaubos sa Philippine Air Force sa military court proceedings si Noquera aron basehan sa ipahamtang nga silot batok kaniya.
Sa pagkakaron,gikustodiya una ang suspek sa military police o MP sulod sa Camp Evangelista ning syudad.
