CAGAYAN DE ORO CITY-Gihatod na sa Philippine Air Force o PAF ang patay’ng lawas sa ilang opisyal nga gipusil-patay sa junior officer niini sulod sa Tactical Operations Group o TOG-10 sa Brgy Lumbia ning syudad sa miaging semana.
Gibutyag ni PAF regional spokesperson Lt Col Ferdinand Encomienda nga gilayon usab nila ihatod ang patay’ng lawas ni Staff/Sgt Renante Blanco sa mismong pamilya niini didto sa Angeles City,Pampanga.
Dugang ni Econmienda nga nagpadayong ang ilang kooperasyon sa imbestigasyon sa kapolisan batok sa suspek nga si Airman 2nd Classs Reymart Noquera kinsa detinado pa gihapon sa stockage sa 4th ID,Philippine Army.
Una nang gikasuhan sa PNP sa murder si Noquera tungod sa pagpamusil gamit ang M-16 rifle kang Blanco hinungdan sa kamatayon niini.
