CAGAYAN DE ORO CITY-Linawas nga gibisita ni Dep-Ed regional director Dr. Allan Farnazo ang mga tunghaan sa Iligan City ug Lanao del Norte atol sa pag-abli sa klase kagahapong adlawa.
Siya miingon nga nahimong hapsay ang pagbukas sa klase sa maong mga dapit bisan nga dunay duha ka tunghaan ang gi-ukopahan sa mga bakwit gikan sa Marawi City.
Gibutyag ni Farnazo nga misaka ang populasyon sa new enrollees tungod sa nadugang mga magtutungha gikan sa Marawi City.
Una niini, gipasigarbo ni Farnazo ang pagbukas sa klase sa Iligan City National High School tungod kay nadugangan na ang ilang mga lawak saringan.
Samtang gikompirmar sa Cagayan de Oro City Police Office o COCPO nga nagmalinawon ang unang adlaw sa klase sa syudad kagahapong adlawa.
Gibutyag sa COCPO spokesperson C/Insp Mardy Hortillosa wala silay nadawat nga report gikan sa station commanders batok sa kaso nga related sa subling pagbukas sa klase DepEd.
Gitin-aw ni Hortillosa nga lig-on ang koordinasyon sa station commanders tali sa mga principal sa mga tunghaan sa syudad.
