Giduso karon sa pundok sa mga kasambahay ang mas klarong lagda bahin sa walo ka oras nga working hours ug ang pagpatuman sa ilang social security ug long service incentive gikan sa mga amo.
Gipahayag ni Himaya Montenegro sa Pinay Careworkers Transnational, nga kon nakahatag ug bili ug pagtagad ang ubang nasud sama sa Hong Kong pinaagi sa separation pay ug paborableng benepisyo sa mga migrant workers, kinahanglan usab nga ipakita sa gobyerno sa Pilipinas ang paghatag og dungog ug bili sa kaugalingong mga domestic workers.
Dugtong pa ni Montenegro, lakip sa giduso sa mga probisyon mao ang pagsiguro sa pagsusi ug inspeksyon sa mga puy-anan aron maangkon ang luwas nga trabahoan ug maputol ang harassment batok sa mga katabang.
