CAGAYAN DE ORO CITY, Philippines – Gibasura sa Iran’s permanent mission to the United Nations (UN) ang akusasyon sa kanhi Biden Administration nga sila ang mipundo sa mga armas igugubat sa Yemeni-based Houthi Rebels nga kasamtangang anaa sa Red Sea, nangatake sa mga sundalo sa Israel sulod sa Gaza ug Lebanon.
Sa pag-atubang ni Dorothy Shea, acting U.S. ambassador to the UN sa UN Security Council briefing on Yemen, iyang gipangugat ang tataw nga partisipasyon sa gobyerno sa Tehran aron gun-ubog ang kalinaw sa Middle East ug komersyo sa Red Sea.
Nagpadala sa sulat pamahayag ang Iran kang UN Secretary-General Antonio Guterres ug kang Fu Cong, rotating president sa UN Security Council sa Pebrero ug namahayag nga gikondinar sa ilang nasud ang walay basehan nga akusasyon sa Amerika ilabe nga kanunay silang nagsuporta sa kahusay ug kalinaw sa Middle EAST.
Una niini, nanawagan sa dugang pondo ang UN aron mapatuman ang pag-ayuda sa mga tawong naipit sa gubat sa Syria nga hangtud karon padayong gi-atake sa ISIS ug tinipik nga mga sakop sa Houthis.
