Paglikay sa pagtuo sa fake news, pag-alerto sa repatriation, magmakalmahon taliwala sa gubat, ug lig-ong pagsalig sa kahitas-an.
Kini ang pinakauyukan sa mensahe ni Vice President Sara Duterte alang sa mga Pilipino nga naapektuhan sa kagubot tali sa Israel ug Iran.
Iyang gi-awhag ang tanan Overseas Filipino Workers (OFWs) nga magpabiling kalmado ug andam, samtang maminaw ug motuman sa mga pahimangno sa mga lokal nga awtoridad ug embahada aron masiguro ang ilang kaluwasan.
Gidasig usab niya ang mga OFWs sa Middle East nga dili motuo dayon sa mga sayop nga impormasyon o fake news nga nagkatag sa social media, ug hinuon, siguraduhon nga kasaligan ang ilang mga kasayuran.
Gi-awhag sa bise presidente ang mga pinoy workers nga magpabiling alerto ug mutuman sa mga evacuation procedures kung kinahanglan.
Masaligon ang bise presidenet nga adunay labaw nga makagagahum nga mutabang sa tanan mga nanginahanglan ug kinahanglan nga ipalig-on ang pagsalig kaniya sa panahon sa katalagman, ug taliwala sa mga kasamot sa kalibutan.
