CAGAYAN DE ORO CITY – Gipangita sa kapolisan ang tulo ka suspek sa pagp-ambush sa pipila ka brgy officials ug lay ministers sa simbahan sa Upper Dioyo 1,Barangay 18, Concepcion Misamis Occidental.
Sumala ni Concepcion Police Station commander Police Capt. Jude Evangelista nga election related ang motibo sa pagpamusil tungod kay ilado nga supporters sila si Brgy Kagawad Emilio Paglinawan, Carlito Pata ug si Dodo Tumasan sa kapikas sa kasamtangang mayor sa maong lugar nga nagpapili sa umaabot piliay.
Si Evangelista miingon nga narekober nila sa crime scene ang bala sa 9mm pistol, .45 kaliber pistol ug carbine. Sa pagkakaron, padayon pa ang manhunt operation sa kapulisan batok sa mga suspetsado.
