CAGAYAN DE ORO CITY – Wala mopirma si Cagayan de Oro 2nd District Rep Rufus Rodriguez sa manifesto nga nagpadayag suporta kang House Speaker Alan Peter Cayetano nga malugwayan ang iyang pagdumala sa Kamarabaha.
Kini human gigamit ni Cayetano ang manifesto aron kumbinsihon si Pres Rodrigo Duterte nga dili sundon ang term sharing nila ni Marinduque Rep Lord Alan Velasco.
Miingon si Rodriguez nga kon kinsa man ang pilion ni Duterte kang Cayetano ug Velasco,kini ang iyang hatagan sa suporta.
Samtang gitawag sa political analyst nga si Atty Antonio Soriano nga ‘immoral’ ang pag-intervene ni Pres Rodrigo Duterte sa pag-inilogay ni Cayetano ug Velasco sa pagka-speaker sa Kamarabaha.
Miingon si Soriano nga dili unta angay manginlabot si Duterte apan gikinahanglan usab niya kini aron dunay makuha nga suporta gikan sa mga magbabalaod.
Nakasaway ang abogado sa mga magbabalaod nga miuyon na lamang sa kagustuhan ni Cayetano tungod sa mga kaayuhan nga nahatag ngadto kanila.
