Miatras sa gitinguha nga pagwelga ug pag-apil sa nationwide nga lihok-protesta ang lupon sa mga drayber sa jeep sa syudad karong adlawa, apan giklaro ni UNIDA President Joel Gabatan nga wala kini nagpasabot nga naundang na ang ilang panawagan subay sa krisis karong panahona.
Gipahayag sa maong lider nga lakip sa gikonsidera sa maong desisyon mao ang mga tawo ug sumasakay nga nabalaka sa duha ka adlaw nga buhaton unta nga welga sa transportasyon.
Gipasabot usab sa maong opisyal nga nagpabilin gihapon ang panawagan alang sa duha ka pesos nga saka sa pletehan, pagtangtang sa excise tax, ug kausaban sa oil deregulation law.
Gumikan niini, gipahibalo sa maong pundok nga normal ug gawasnon gihapon ang biyahe sa mga jeep ubos sa UNIDA sa tibuok syudad.
