Prisohan o Ospital? Kini ang dakong pangutana karon sa mga nagpaniid sa politika human opisyal nga giisyuhan og warrant of arrest nga walay piyansa ang giisip nga dako nga isda sa flood control scandal nga si kanhi House Speaker Martin Romualdez.
Taliwala sa paglihok sa mga pulis, nagpasidaan si Professor Christopher Maboloc sa Ateneo de Davao University nga lagmit nga mogamit og hospital arrest ang kampo sa kanhi opisyal aron dili kini madiritso sa prisuhan.
Gipasabot sa propesor nga kinahanglang ipatuman sa korte ang pormal nga pag-aresto tungod kay wala may opisyal nga dokumento nga nagsulti nga adunay sakit ang kanhi opisyal.
Dugang pa niya, kinahanglang ilihok na sa mga awtoridad ang pagdakop aron mapakita sa katilingban nga dili ra kutob sa papel ang pagpahamtang sa hustisya sa nasod.-
